Кичевското село Белица е едно од ретките во Македонија кое денеска го слави празникот Александрија во чест на св. маченик Александар.

– Денеска е најголемата селска слава Александрија посветена на уникатниот заштитник на нашето село и на семакедонските воини кои се бореле со векови низ историјата за независна и суверена држава Македонија. Нека е напомош и вечно неговото име кое низ вековите наназад, па се до ден денес е најголемата ознака за препознатливост на нашето село и нашата Родина Македонија, порачаа денеска беличани на Фејсбук.

Во ова село се негува духот на светецот кој го сметаат за свој заштитник:

– Денеска е ден посветен на нашиот белички светец Свети маченик Александар кој воедно е и заштитник на Македонските војници. Нека е напомош овој голем христијански празник кој се празнува со векови наназад, нека овој светец Александар дава сила да се истрае на сите препреки кои ги има нашето село и нашата земја Македонија да ги реализира своите крајни цели да се живее во богата слободна и независна Република Македонија. Да живее Белица и слободна независна Република Македонија, порачуваат беличани.

Нека е на помош и за многу години!

(Д.Г.)