Земјоделската инспекција на Државниот инспекторат на Хрватска, во голема акција за сузбивање на трговијата со фалсификувана и недоволно квалитетна храна и пијалаци, пронајде вино од Италија, Македонија и Чиле кај пет хрватски производители на вино, во шишиња со хрватска етикета.
– Во голема акција на Европол и Интерпол, инспекцијата „ОПСОН 2020“ изврши вкупно 275 инспекции за контрола на етикетирање на вино и силни алкохолни пијалаци, пласирани на пазарот, објави Државниот инспекторат.
Како што е наведено, откриено е дека пет контролирани субјекти ја злоупотребуваат употребата на хрватски традиционални термини – „квалитетно вино со контролирано географско потекло“ и „врвно вино со контролирано географско потекло“, на вина кои не се од хрватско потекло, туку потекнуваат од Италија, Македонија и Чиле.
