Кралицата Елизабета е позитивна на Ковид-19, соопшти Бакингемската палата.
Британската кралица има „благи симптоми слични на настинка“, но се очекува да продолжи со „лесните обврски“ во Виндзор во текот на следната недела, соопшти палатата.
Таа ќе продолжи да добива лекарска помош и ќе ги следи сите соодветни упатства, се додава во соопштението.
Кралицата (95) била во контакт со нејзиниот најстар син и наследник, принцот од Велс, кој минатата недела беше позитивен на тестот.
Би-Би-Си јави дека голем број луѓе биле позитивни на Ковид-19 во замокот Виндзор, каде што живее кралицата.
