Во недостаток на идеи како да ја развиваат македонската економија најновите најави се дека износот на персоналниот данок значително ќе се зголеми и наместо досегашниот рамен данок ќе се воведат даночни стапки од 10, 15 и 18 проценти., се наведува во денешното соопштение на ВМРО-ДПМНЕ.
„Ќе се оданочуваат и приходите од камати над 12.000 денари. Тоа значи дополнително оптоварување на приватниот сектор што ќе влијае на зголемување на невработеноста, полнење на администрацијата со СДСМ партиски кадри кој што како привилегирана каста ќе живеат на грбот на народот, миграцијата ќе се зголеми, а компаниите ќе го селат капиталот“, стои во соопштението.
Опзициската партија истакнува дека иако нема радиофузна такса, граѓаните за три саати паркинг во Скопје плаќаат 130 денари и сите граѓани плаќаат поскапи горива како резултат на зголемената акциза за нафта.
„Зоран Заев врши економски егзодус врз државата. Повеќе од една година Заев е на власт, повеќе од една година економијата е на нула, нема нови работни места, нема повисоки плати, нема просперитет.
Над 300 милиони евра изнесува новото задолжување на картелот во првите три месеци од годината. Долгот во континуитет се зголемува. Не поминува месец, а картелот да не ја задолжи државата за неколку милиони, кои никој не знае каде завршуваат.
Тоа е животот што ќе им го донесе СДСМ, беда, сиромаштија, сивило, високи даноци, полициска држава“, се истакнува во истото соопштение.
