Нигде во Европа политичарите не заработуваат и до осум пати повеќе од своите граѓани, освен во Босна и Херцеговина, и додека платите на пратениците во земјите на ЕУ изнесуваат најмногу три просечни плати, во БиХ е сосема поинаку.
Имајќи предвид дека просечната плата е на почетокот на оваа година во РС е 887 КМ и во ФБиХ 924 КМ, ниту еден функционер не треба да има плата повеќе од 2.700 КМ, што не е случај во БиХ, според босански медиуми.
За членовите на претседателството месечно се распределуваат околу 20.000 КМ, додека државните парламентарци добиваат меѓу 4.800 и 6.500 КМ.
Иако платата на политичарите во БиХ, секако, не е поголема од платата на политичарите во Европа, разликата меѓу нивниот приход и приходот на граѓаните е далеку најголема, врз основа на која експертите заклучуваат дека „нема посиромашни луѓе и побогати политичари”.
Во БиХ парламентарците заработуваат осум пати повеќе од граѓаните – Најмногу заработуваат во Претседателството на БиХ и пратениците, кои за еден мандат можат да заработат повеќе од 300.000 КМ, но бројката е сигурно поголема ако се додаде паушал, посебен додаток за живот, додаток за сместување, превоз и топол оброк.
