Брод со 20 мртви лица, меѓу кои и две деца, е пронајден на 1,5 километар од островот Гранд Турк, во Атлантскиот океан, објавија вчера локалните власти од островите Туркс и Каикос.
Американските медиуми јавуваат дека официјалните лица соопштиле дека иследниците ја отфрлиле можноста за насилна смрт, но, меѓутоа, се обидуваат да утврдат што се случило.
Идентитетот и потеклото на жртвите, исто така, се истражуваат.
Рибари во четвртокот утрината забележале мал брод и го предупредиле поморскиот оддел на полициските сили на островите Турк и Каикос, кои го извлекле бродот на брегот.
Полицискиот комесар, Тревор Ботинг, изјави дека бродот се чини дека дошол од област надвор од Карибите.
Островите Туркс и Каикос често пати се „магнет“ за очајните жители на Хаити, кои сакаат да побегнат од својата земја погодена од сиромаштија.
