Во денешниот масакр во училиште во Грац, убиена е 15-годишната Леа Бајрами, родена во градот Витина, Косово. Информацијата ја потврди претседателот на општина Витина, Сокол Халити.
„Драго семејство Бајрами, длабоко сум потресен од веста за трагичната загуба на вашата ќерка Леа од нашата општина, која го загуби животот во сериозен напад што се случи денес во градот Грац, Австрија. Овој сериозен настан длабоко нè погоди сите нас. Губењето на еден млад живот е рана што остава неизбришлив белег во душата на секој од нас.
„Во мое лично име и во име на Општина Витина, изразувам најискрено и најдлабоко сочувство. Со вас сме во овој тежок момент и се молиме Бог да ви даде сила да се справите со оваа голема болка. Споменот за неа секогаш ќе остане жив меѓу нас“, напиша Халити на Фејсбук и сподели фотографија од Леа од нејзиното детство.
