Цените на зеленчукот од домашно производство традиционално пораснаа во зимскиот период.
Во Пловдив розовите домати достигнаа космичка сума – 8 лева (4 евра) за килограм, објавува бугарски Телеграф. Според трговците, пред Божиќ може да поскапат уште повеќе.
А потрошувачите коментираат дека зеленчукот чини колку килограм стекови.
Земјоделците негираат дека розовите домати се бугарски. Според нив, 90 отсто од стоките што во моментов се нудат на пазарот се целосно увезени.
„Како обичен човек, мислам дека оваа цена не е реална. Колку луѓе можат да си дозволат 7-8 лева домати?“, прашува еден од купувачите.
Иван Кабуров од Мало Конаре ги бере последните домати од овогодинешната реколта. Цената по која заминуваат последните количини од кај него е 2,50 лева (1,25 евра) по килограм на големо.
„Бугарските потрошувачи сами нека сфатат каква е ознаката што се додава на транспортот“, коментира земјоделецот.
Во следните два месеци неговата стаклена градина ќе остане празна. Тој тврди дека 80 отсто од останатите производители нема да посеат ништо оваа зима поради скапите извори на енергија. Така, пазарот ќе остане речиси без бугарско производство.
„Се греам на пелети. Другите колеги се на гас. Се е многу скапо, а политиката на Владата за градинарите е неизвесна. Сега моите околу 30-40 луѓе треба да ги отпуштам околу 5 декември и да ги вратам во февруари. Овие два месеца мора да одат на берза на трудот и да се на грб на социјалниот државен систем“, објасни човекот, пренесе НОВА.
Според него, укинувањето на ДДВ може да го намали нерегулираниот увоз на овошје и зеленчук од соседните и трети земји.
