Полските државни службеници ќе се префрлат на работење од далечина.
Компаниите од приватниот сектор треба да го следат примерот, бидејќи земјата се соочува со најновото зголемување на дневниот број случаи на Ковид 19, кој наскоро би можел да надмине 50.000, изјави денеска полскиот министер за здравство Адам Неџелски.
Полска пријави повеќе од 30.000 случаи на ден за 24 часа, за прв пат од април, што ја интензивираше дебатата за тоа дали се потребни построги ограничувања на јавниот живот.
„Ако овие трендови продолжат, бројот на инфекции може да надмине 50.000 (на ден) следната недела“, рече Неџелски на прес-конференција.
Тој ги повика приватните работодавци да го следат јавниот сектор и да бараат луѓето да работат од дома секогаш кога е можно.
Во Полска целосно се вакцинирани само околу 56 отсто од Полјаците, што е значително под просекот на Европската унија.
