Во последните 24 часа во Унгарија се регистрирани 1.791 нов случај на коронавирус, најмногу од почетокот на пандемијата, а починале 24 пациенти.
Од почетокот на епидемијата заразени се вкупно 44.816 лица, а бројот на смртни случаи е 1.109. Оздравеле 13.580 луѓе, а има повеќе од 30.000 активни случаи.
Унгарската Влада повторно ги предупреди граѓаните да ги почитуваат мерките за физичко растојание и одржување на хигиената. Забраната за влез за странски државјани сè уште е во сила. Освен во продавниците и јавниот превоз, носењето маска е задолжително во јавните и културните институции.
Забранети се посети на болници и домови за стари лица.
