Македонија губи со 1 поен разлика и така замина на полувреме на натпреварот против Австрија кој почна попладнево во 15:30.
Резултатот е 14:13 за Австрија, иако на два пати имавме три голови предност.
Митревски имаше четири интервенции, Митев даде четири гола. По два гола за Македонија дадоа Пешевски, Лазаревски, Петар Атанасиевиќ и Серафимов.
Со натпреварот против Австрија попладнево во Вараждин, репрезентацијата на Македонија ја почнa Главната групна фаза на ракометниот Мундијал 2025.
По одигрувањето на натпреварите во групи, Македонците пренесуваат еден бод, додека Австријците два во новоформираната Група-2.
Со евентуална победа македонската репрезентација ќе ја престигне Австрија и ќе ги задржи шансите за што повисок пласман, па дури и четвртфинале.
