Северна Кореја се подготвува да испрати 50.000 војници од своите вооружени сили во борбени мисии за поддршка на руската специјална воена операција во Украина.
Ова тврдење го изјави воениот дописник на руската државна телевизија.
Во своето видео на YouTube, Александар Сладков, руски новинар ветеран специјализиран за воени прашања, тврди дека Северна Кореја е цврсто усогласена со Русија во тековниот конфликт.
Тој понатаму додаде дека Пјонгјанг е подготвен да придонесе во напорите со испраќање свои војници да учествуваат во специјална воена операција – термин што Москва обично го користи наместо конфликтот да го нарекува војна со Украина.
Сладков рече дека импресивните сили од најмалку 50.000 севернокорејски војници се подготвени да и помогнат на руската војска, а одлуката за нивно распоредување да се борат во Украина може да се донесе во секое време.
Сладков опиша како Северна Кореја, наводно, упатила повик до волонтери кои се подготвени да учествуваат во руските операции во Украина, а само првиот ден, околу 800.000 лица изразиле желба да се приклучат.
Ким Јо Јонг, сестрата на Ким Јонг Ун, наводно изјави дека нејзината земја е „на истиот курс“ како Русија, што имплицира дека Северна Кореја го поддржува гледиштето на Русија за конфликтот.
Дури и Ким Јо Јонг изјави дека потенцијално може да избие војна меѓу Северна Кореја и САД.
„Разговарав со мојот пријател, шеф на организацијата на корејските воени ветерани. Тој неодамна беше тука. Прашав: „Што имаш?“, тој рече: „50.000 специјалци се подготвени да бидат распоредени“, рече Сладков.
