Српскиот претседател Александар Вучиќ вечерва изјави дека во Србија нема да има граѓанска војна и нагласи дека никој не е посилен од државата, без разлика каква поддршка има однадвор.
„Се надевам дека ќе успееме да ги избегнеме сите проблеми што некој ги создава обидувајќи се да ја преземе власта со сила и дека ќе успееме да продолжиме да растеме, но луѓето мора да знаат едно. Никој не е посилен од државата, без разлика каква поддршка има однадвор и без разлика што прави“, нагласи Вучиќ за време на гостувањето на РТС.
Тој изјави дека владата ќе се обиде да се однесува како вистинска и искрена демократија, за разлика од, како што наведе, многумина однадвор кои и држат предавања, а кои „го убиваат богот“ во секој демонстрант.
„Секогаш ќе се обидуваме да се разликуваме од нив и да ја видиме Србија во иднина каде што граѓаните ќе можат да разговараат едни со други. Ова е терминалот, ова е последната фаза – фазата на очај и фазата на немоќ, кога немате што повеќе да им понудите на граѓаните, освен тепање, стапови. Кога тоа ќе заврши, тогаш сме подготвени да разговараме со нив, да ги слушнеме сите идеи, да ги сослушаме, да се промениме и себеси, да ги разбереме нивните потреби, но тие ќе мора да ги остават стаповите зад себе“, нагласи претседателот Вучиќ.
