Претседателот на Србија, Александар Вучиќ во Дневникот на РТС зборува за недоаѓањето на рускиот министер за надворешни работи Сергеј Лавров, чија посета на Белград беше планирана за денеска и утре.
Да потсетиме, Лавров не дојде во Белград затоа што Бугарија, Македонија и Црна Гора го забранија прелетот на неговиот авион.
„Тоа е срамно и незамисливо“, изјави денеска меѓу другото Сергеј Лавров.
Рускиот амбасадор во Белград Александар Боцан-Карченко го информирал претседателот Вучиќ за откажувањето на посетата.
„Не сум изненаден. Пред неколку дена реков дека очекувам компликации. Од ден на ден тоа го следиме. Секако, мора да го изразите своето незадоволство“, започна претседателот Вучиќ.
„Ваква хистерија и организиран напад врз мала земја како Србија одамна не сум видел.“
„Кога зборуваме за тоа, не станува збор за добивање и губење политички поени, погледнете од околината, сите нивни медиуми и политичари. Во претходните 24 часа никогаш не сме добиле повеќе медиуми од регионот и од цела Европа со слики на Вучиќ и Лавров. Едноставно не се договоривме секогаш да бидеме дел од глутницата.“
„Не мислам на Американците, тие се уште се најтивки. Ништо не ѝ можат на Русија, па да ја удриме малата Србија. Од некој Карл Билт до Хрватска.
„Нека продолжат, не ме фасцинираат нивните закани.
„Ние ја осудивме инвазијата на Украина, но Русија е традиционален пријател на Србија. Што ќе им кажете на луѓето, да ги прекинат односите со Русија? Дали навистина мислите дека треба да го избркаме Чајковски од училиштата и оперите? Па што треба да учат и читаат децата ако не Достоевски“.
„Како претседател, ниту јас нема да бидам дел од глутницата.
„Да се укине традицијата?
„Сакав да го прашам Лавров кога ќе добиеме хеликоптер за гаснење на пожари.
„Како е Вучиќ негативец на кој треба да му се отсече главата? Дали сакате да им го кажете тоа на членките на НАТО – Турција, затоа што Лавров оди во Анкара? А Турција има 32 пати повеќе летови за Русија. Не сакате да ја протерате од НАТО?”, рече Вучиќ , пренесе српски Курир.
