Зоран Заев попладнево во Собранието имал средби со претседателот на законодавниот дом Талат Џафери и со претседателот на ДУИ, Али Ахмети.
Од СДСМ за МИА потврдиле дека Џафери го повикал Заев лично да го информира за поднесената иницијатива за гласање доверба на Владата и за следните деловнички чекори.
Средбите на Заев со Џафери и Ахмети следуваат по денешното барање за гласање доверба на Владата поднесено со потписи од 61 пратеник на ВМРО-ДПМНЕ, Алијанса за Албанците, Алтернатива, Беса и Левица.
Претседателот на Собранието Талат Џафери ја закажа седницата за доверба на Владата во четврток во 11 часот.
