Портпаролката на руското Министерство за надворешни работи, Марија Захарова, денеска изјави дека руските вооружени сили извршуваат напади исклучиво врз воени цели и објекти што ги поддржуваат Вооружените сили на Украина (ВОСУ).
„Штетата на цивилната инфраструктура е последица на дејствијата на украинската воздушна одбрана и електронското војување. Сакаме уште еднаш да нагласиме дека руските вооружени сили напаѓаат исклучиво врз воени цели и објекти за логистичка поддршка на ВОСУ. Штетата на цивилната инфраструктура е последица на дејствијата на украинската воздушна одбрана и електронското војување“, рече Захарова, според ТАСС.
Претходно, претставник на руската дипломатска мисија во Европската Унија беше повикан во Европската служба за надворешни активности откако зградата на делегацијата на Европската Унија во Киев беше оштетена за време на ракетен напад во текот на ноќта. Во нападот загинаа 19 лица, а 63 беа повредени.
