Скоро 200 учесници од разни земји меѓу кои и од повеќе градови од Македонија преку онлајн цртање од дома во изминатите два дена земаа учество на 16-тиот по ред регионален стрип маратон „24 часовно цртање на стрип“.
Овогодинешната тема е ПЛАН Б и истата беше дадена непосредно пред почетокот на акцијата.
Томе Трајков, стрип-промотер од Велес, потсети дека македонските стрип автори своето учество го започнаа од 2023 година преку онлајн цртање од дома.
Тој уште еднаш го изразува задоволството што стрип-соработниците и пријатели од Хрватска уште од 2023 година бргу ја прифатиле неговата иницијатива за мобилизирање на македонските стрип-автори.
Трајков информира дека манифестацијата започна на 29 ноември од 12 часот и траеше 24 часа до недела 30 ноември во 12 часот. Учесниците цртаа во живо во определени пунктови во градовите: Подгорица, Госпиќ, Херцег Нови, Сомбор, Љубљана, Осиек, Риека, Сплит, Загреб, а од оваа година цртање во живо се спроведе и во Base 42 – Скопје (благодарение на колегите собрани околу СТРИП ТРИП Фестивалот).
Тој истакна дека и годинава беше овозможено и цртање од дома и објавување на онлајн платформата на линкот на младите стрип-цртачи од повеќе градови на Македонија.
Инаку сите стрипови се објавуваа на платформата https://www.24satnocrtanjestripa.com
Трајков појасни дека организацијата на настанот е спонтана. На светско ниво истата таа ја создава реномираниот стрип-теоретичар Скот Мек Клоуд, а во регионот авторот Дарко Мацан на Академијата во Загреб.
-Оваа акција низ годините брзо се проширува. Уште една специфика е што оваа регионална иницијатива е сосема независна од светската акција, која се организира во октомври, потенцира Трајков.
