Бројот на загинати во земјотресот во западна Турција достигна 49 лица, соопшти Агенцијата за вонредни состојби и управување со катастрофи (АФАД). Повредени се 896, се вели во соопштението.
АФАД, исто така, соопшти дека по најсилниот земјотрес следувале уште 833 помали земјотреси, а 40 биле посилни од четири степени по Рихтеровата скала.
Продолжува потрагата по преживеани од урнатините во егејскиот регион во покраината Измир.
Од болниците се испишани 667 повредени лица, а 229 лица се задржани на лекување.
Земјотрес со јачина од 7 степени според Рихтеровата скала ја потресе во петокот западна Турција, со епицентар во Егејското Море, во близина на градот Сеферихисар во провинцијата Измир. Земјотресот се почувствува и на блиските грчки острови. Грчките сеизмолози ја проценуваат неговата јачина на 6,9. Најмалку 20 згради се урнаа во Измир. Земјотресот предизвика мало цунами што ги зафати крајбрежните улици на Сеферихисар.
Материјална штета има и на грчкиот остров Самос, каде две лица загинаа, а 20 се повредени.
