Бројни студии покажаа дека бадемите имаат одличен ефект врз целиот организам. Иако содржат високо ниво на маснотии, тие имаат одлични нутритивни својства, хранливи се и многу здрави. Колку бадеми се добри за нашето здравје, каква е нивната хранлива вредност и како влијаат на губење на тежината, дознајте во продолжението на текстот.

Една порција бадеми (28 грама) содржи:

3,5 грама влакна
6 грама протеини
14 грама масти
37% витамин Е
32% манган
20% магнезиум.

Бадемите се исто така многу добар извор на бакар, витамин Б2 и фосфор, но има висока калориска вредност. Имено, една порција бадеми содржи околу 160 калории.

Бадемите се многу добар извор на антиоксиданти

Антиоксидансите ги штитат клетките од оксидативно оштетување, кое може да предизвика оштетување на молекули во клетките, да го забрза процесот на стареење и да го зголеми ризикот од голем број на болести, вклучувајќи различни видови на рак.

Повеќето антиоксиданси се наоѓаат во кафената обвивка на бадемот, затоа експертите ве советуваат да не ги лупите. Едно истражување покажа дека бадемите кај пушачите можат да го намалат нивото на оксидативен стрес за дури 35% по само 4 недели секојдневно консумирање.

Бадемите се одличен извор на витамин Е

Витаминот Е е витамин растворлив во масти и има моќен антиоксидативен ефект. Се задржува на клеточната мембрана и ги штити клетките од оксидативно оштетување.

Бадемите се еден од најдобрите извори на витамин Е. Една порција од бадеми ќе задоволи дури 37% од препорачаната дневна вредност на витамин Е. Неколку студии покажале дека со зголемување на внесот на витамин Е може да го намали ризикот од срцеви заболувања, разни видови на рак и Алцхајмерова болест.

Бадемите го регулира нивото на шеќерот во крвта

Овие плодови содржат малку јаглени хидрати и многу здрави масти, протеини и влакна. Ова ги прави одлични за регулирање на нивото на шеќер кај дијабетичарите.

Бадемите исто така се многу добар извор на магнезиум кој учествува во повеќе од 300 телесни процеси, вклучувајќи контрола на шеќерот во крвта. Препорачаната дневна доза на магнезиум е 310-420 милиграми, а 60 грама бадеми содржи околу 150 милиграми магнезиум. Ова значи дека бадемите во комбинација со други добри извори на магнезиум можат да помогнат да се задоволат дневните потреби на телото со магнезиум.

Истражувањата покажаа дека дијабетичарите често страдаат од недостаток на магнезиум, што го отежнува одржувањето на стабилно ниво на шеќер и го нарушува ослободувањето и дејството на инсулинот. Бадеми, како и други хранливи материи богати со магнезиум, можат да помогнат во превенција на метаболички синдром и дијабетес тип 2.

Магнезиумот го регулира нивото на крвниот притисок

Високиот крвен притисок (хипертензија) е една од водечките причини за срцеви и мозочни удари и откажување на бубрезите. Дефицитот на магнезиум е тесно поврзан со покачен крвен притисок, без оглед на телесната тежина.

Истражувањата покажаа дека со зголемување на внесот на магнезиум можете да го регулирате нивото на крвниот притисок. Повеќето луѓе не внесуваат доволно магнезиум, поради што експертите препорачуваат редовно конзумирање бадеми.

Бадемите ги регулира нивото на холестерол

Покачено ниво на лош (ЛДЛ) холестерол може да го зголеми ризикот од срцеви заболувања. Една студија покажа дека нивото на ЛДЛ холестеролот, драматично се намалува кај луѓе кои секојдневно консумираат бадеми. Освен тоа, бадемите го зголемуваат нивото на добриот (ХДЛ) холестерол, што е многу важно во превенцијата од кардиоваскуларни болести.

Бадемите го поттикнуваат губењето тежина

Телото воопшто не апсорбира 10 до 15% калории од бадеми, а истражувањата покажуваат дека бадемите можат да го стимулираат метаболизмот. Тие можат да спречат и да отстранат желба за закуска и да го снабдат вашето тело со различни нутрициони соединенија.

Една студија покажа дека дебелите жени кои секојдневно консумираат бадеми многу побрзо забележуваат резултати од слабеење околу половината од жените кои не консумираат бадеми.