Американскиот претседател Џозеф Бајден одобри прогласување вонредна состојба во Калифорнија откако најмалку 19 лица загинаа во невремето и поплавите од 26 декември, а невремето доведе и до прекини на електричната енергија, лизгање на земјиштето, евакуација и затворање на патиштата.

Бајден вчера нареди распределба на федерална помош за дополнување на државните и локалните напори за опоравување од последиците од невремето, поплавите и лизгањето на земјиштето, се вели во соопштението од Белата куќа.

Како што се посочува, тоа овозможило федерално финансирање за справување со последиците од поплавите во Мерсед, Сакраменто и Санта Круз.