Поранешниот светски рекет број три, Стен Вавринка (Швајцарија) се квалификуваше во четвртфиналето на турнирот на домашен терен во Базел со награден фонд од 2,08 милиони евра.
Седмиот во шемата, Вавринка оствари триумф над Френсис Тиафу (САД) со 6:3, 3:6, 7:5 по два и пол часа. 34-годишниот Швајцарец дојде до успех со клучен брејк во последниот гејм од третиот сет, но подоцна објави дека тој во тоа време добил болки во грбот и нема да може да се соочи со неговиот сонародник и деветкратен победник во турнирот, Роџер Федерер.
Бр.1, Федерер се квалификува во полуфиналето без натпревар, каде го очекува победникот од мечот помеѓу третиот во шемата Стефанос Циципас (Грција) и Филип Краиновиќ (Србија).
Циципас стигна до четвртфиналето по тешкиот успех над Ричардас Беранкис (Литванија) со 6:7 (4), 6:2, 6:4, а Крајновиќ го елиминираше број 5, Фабио Фоњини (Италија) со јасни 6:2, 6:4.
