Кинескиот претседател Си Џинпинг за време на денешната посета на Вухан изјави дека работата на контрола на коронавирусот и понатаму мора да биде напорна, објави државната новинска агенција Ксинхуа.
Тој оцени дека се постигнати првите цели за стабилизација и промена на ситуацијата во провинцијата Хубеи и нејзиниот главен град, Вухан, епицентарот на епидемијата.
– Иако коронавирусот ја погоди економијата на Хубеи, немаше влијание врз нејзиниот долгорочен моментум, рече Си.
Како што е најавено, Си во Вухан ќе посети медицински работници, воени и јавни службеници, полицајци и волонтери кои биле на првите линии на одбрана од вирусот, како и пациенти и жители на градот.
Веста за посетата на Си на Вухан предизвика зголемување на вредноста на кинеските акции.
