Граѓаните да бидат спокојни, со многу работа, и со нови големи сојузништва го носиме најдоброто за државата, соопшти денеска СДСМ.
Вообичаено, во соопштенијата од владејачката партија, СДСМ се „локомотивата или котвата што влече напред“, а опозицијата се кочничари и виновни за се што не направила владејачката партија.
Еве го целото денешно соопштение од Бихаќска:
Најлошото за македонскиот народ кулминираше и заврши на 27 април 2017 година со насилниот упад во Собранието.
Од тогаш, секој изминат ден е подобар од претходниот, бидејќи на патот по кој одиме заедно со граѓаните е патот напред.
Тоа е пат кој донесе членство во НАТО, кој ги врати слободата и демократијата, патот кој донесе повисока минимална и просечна плата и повеќе пари кај граѓаните, патот на локалниот и регионалниот развој на кои сведочиме во овие четири изминати години.
Ние, како одговорна државотворна партија, со сите сили туркаме напред кон подобра иднина, ВМРО-ДПМНЕ и Мицкоски со сите сили кочат и се обидуваат да ја вратат државата назад, во темното минато на режимот на Груевски.
Во ВМРО-ДПМНЕ нема никаква промена, тие и натаму се најлошата политичка опција, заедно со нивниот неформален коалиционен партнер Левица.
Граѓаните да бидат спокојни, со многу работа, со отворени и отчетни политики и со нови големи сојузништва го носиме најдоброто за државата, ќе го обезбедиме најдоброто во секоја наша општина!
Центар за односи со јавноста на СДСМ
