Пулмологот Срѓан Лукиќ, кој живее и работи во Словенија, на својот профил на Твитер опиша како може да изгледа текот на болеста кај лице заразено со коронавирус: од блага, навидум занемарлива кашлица до хоспитализација и соочување со најголем страв – страв од смрт.

„Првите неколку дена, воопшто не забележуваш дека си заразен. Само по некоја кашлица. Потоа добиваш треска. Добро, не е страшно, имаш парацетамол. Ќе биде доволно. За секој случај, им кажуваш на луѓето да те избегнуваат. Нема потреба да одиш на лекар. Температурата добро те „отепала“- вели пулмологот д -р Лукиќ, а потоа продолжува:

„Потоа за ден или два ќе забележиш дека дишиш брзо. Особено кога одиш во тоалет, се чувствуваш како да трчаш на маратон. Усните ти се малку поплавени, прстите ти се бели. Добро, сепак е посериозно од што си мислел. Одиш на клиника, брисот е позитивен. Ковид. А само што размислуваше да се вакцинираш. “

Д -р Лукиќ понатаму опишува како вирусот брзо напредува.

“Изразот на лицето на докторката додека го гледа твојот рендген и оксиметарот што го држиш за прстот, не покажува дека е многу среќна. Те праќа веднаш во болница. Таму малку чекаш, но брзо те сместуваат. “

“Ти ставаат назален катетер за кислород. Велат ‘еве, проток од 4 литри, сатурацијата сега ти е добра’. И навистина, ете ја на 95%. Некако имаш чувство дека дишиш полесно. Но во ред. Не е страшно. Ќе биде во ред. Ти носат гуска и лопата, но што сега “.

Го зголемуваат протокот на кислород, медицинската сестра те посетува на еден час

“Во утринската визита се е ОК. Единственото лекарот сега вели да ти го зголемат малку протокот на кислород. Сега е 6 литри. Медицинската сестра потоа ве посетува секој час. И секој пат го зголемува протокот. До ручекот е зголемен до 10 литри.До вечера 15. Доаѓа друг лекар кај вас“, вели пулмологот.

Потоа додава дека “одеднаш забележуваш дека повторно дишиш побрзо. И отежнато, ги користиш сите мускули на градите за да го продлабочиш здивот. Воздухот лесно влегува во твоите бели дробови, излегува уште полесно, но тоа не е доволно, бидејќи твоето тело ве тера дишете побрзо. И подлабоко. И не можеш да го контролираш. Сега се плашиш “.

„Состојбата не е добра“

“Докторката повторно доаѓа, но овој пат таа не е сама. До неа има неколку медицински сестри. Некои ги знаеш, те посетија од утрово. Некои првпат ги гледаш. Лекарот ви вели дека состојбата не е добра и тие ќе мора да ве интубираат и да ве поврзат со респиратор. Се обидуваш да не паничиш“, опишува пулмологот.

Дали навистина мора на респиратор?

“Ги прашуваш дали навистина мора? Тие велат дека во моментов не е апсолутно неопходно, но не очекуваат ситуацијата да се подобри, барем не во следните неколку часа. И подобро е да ве интубираат сега, полека, отколку тоа да го направат кога состојбата ќе биде полоша, среде ноќ, брзо, без седација и аналгезија”, ја објаснува состојбата на пациентот д -р Лукиќ.

Илјада мисли и стравови

“А ако одбиеш интубација? Велат дека твоите мускули за дишење ќе се уморат во одреден момент и дека дури и високиот проток на кислород нема да ти помогне. Џабе и 50-60 литри во минута ако ти се намали обемот на дишење. Исто така, постои можност на неинвазивна вентилација. За неа, треба да бидеш свесен и да соработуваш “.

Лице в лице со смртта

Најтешкиот дел од размислувањето на пациентот е дали ќе преживее, а така му изгледаше толку далеку кога на телевизија постојано зборуваа дека треба да се вакцинираме, да носиме маски и да држиме дистанца. Понатаму, д -р Срѓан Лукиќ опишува како изгледа кога ја гледате смртта во очи:

“Прашуваш дали ќе преживеш? Лекарката не одговара веднаш. Таа размислува што да ви каже. Ти вели дека механичката вентилација е твојата единствена шанса. Без тоа, речиси сигурно ќе умреш. Мускулите ќе се уморат, кислород во крвта ќе се намали и органите ќе почнат да откажуваат, еден по еден. До смрт “.

Отпосле памет – сепак требаше да се вакцинираш

“Таа ти кажува дека механичката вентилација не може да те излечи, но може да ти даде време. Време за твојот организам, со помош на лекови, да се справи со КОВИД и неговите компликации. Тоа време е се што може да ти понуди. Нема друго. Прифаќаш. И повторно се сеќаваш дека навистина си размислувал за вакцина “, заклучува пулмологот д -р Срѓан Лукиќ.