Весна ЈАНЕВСКА
Министерката за образование и наука, од Владата во оставка со датум за датум, за датум за заминување, воопшто не се вознемирува што учениците во училиштата се смрзнуваат. Нема греење, но таа тоа го решила со блок дотациите и понатаму ништо не ја интересира. Не ја интересира нафтата, ама ни протоколите за Ковид кои на моменталните 5 степени температура и недостаток на нафта предвидуваат отворени прозори.
Полугодието завршува за некој ден, а некои училишта се уште се реновираат, или крововите на веќе реновираните учлишта одеднаш појавуваат дупки низ кои тече вода.
Наставата во некои училишта се одвива онлајн иако сеуште би требало според препораките на МОН да се одвива со физичко присуство.
Иако 13 000 ученици поминале низ здравствените институции поради инфекција со Ковид19 (информација споделена од една реномирана телевизиска куќа), министерката и натаму убедува дека трансмисија во улилиштата нема и заразата ја објаснува во некакви си дневни минимални проценти за всушност да ја сокрие вистината.
Нема коментар на изјавата на специјалниот претставник во Бугарија дека со промена на учебниците ќе влеземе во ЕУ. Каква промена? За што станува збор?
Наставници собираат пари за дневници.
Директорка од фејсбук астролог бара информација дали ќе добие втор мандат.
Нема заинтересираност за се’ што се случува, ама сепак заинтересираност има за трошење на средства од заемот. Оглас по оглас, за консултант за унапредување на процесот за професионален развој на наставницита, консултанта за информатичка технологија за потребите на ДИЦ, за асистент за информатичка технологија за потребите на ДИЦ, за специјалист за информатичка технологија за потребите на БРО, индивидуален консултант за дизајн на програма за туторство и грант програма за поддршка на туторство во основно образование, услуги за прибирање податоци за мерење на квалитетот на наставата во основно образование.
Наставници земете си ја професијата во ваши раце, од никого ништо не чекајте. Имате одговорност, вие одгледувате нови генерации!
