Во тек е прес конференцијата на претседателот на Регулаторната комисија Бислимовски, кој соопшти дека поскапување на струјата за домаќинствата ќе изнесува 9,48 отсто и дека ќе се укине дневната тарифа. Според Бислимовски ова е максмимум што можело да се стори.

Според Бислимсоки, ако не се донесела одлука за укинување на дневната евтината тарифа, поскапувањето на струјата ќе беше 14,23 отсто.

-Во наредниот период ќе ја следиме состојбата, бидејќи сме увозна зависна земја. Ова беше најмногу што можеме да направиме, со цел да го одржиме секторот ликвиден и да им служиме на граѓаните. Штедевме некаде околу 5 проценти на месечно ниво. Комоцијата веќе ја немаме. Сега секторот не може да го издржи ударот да се изгубат 100.000 евра за еден ден. Реалното покачување е 9,48 проценти, изјави Бислимоски.

За тоа дали ќе се дозволи зголемување на парното греење Бислимовски на прес-конференција рече дека од ваквото зголемување и тој се плаши, но додава дека мора да сме солидарни.

-Набавната цена на природниот гас во делот каде што откупува БЕГ по цена на берзи изнесува за жал околу 1.480 долари за нормален метар кубен. Тоа е набавка која ќе се реализира во јануари и тоа е за некаде околу 6 пати повисоко. 240 долари, до сега, сега во јануари ќе биде по 1480 долари и доставено е соодветно барање од БЕГ и денес ќе го разгледуваме. За цената на топлинската енергија, драстично зголемување не е опција бидејќи ќе има голем број потрошувачи кои ќе се исклучат и ќе се приклучат електрична енергија, не е проектирано да може да се поддржат толку многу потрошувачи. Ова е сериозен удар врз цената на природниот гас и во преговори сме со Владата. Мислам дека ќе наидеме на разбирање, но ги повикуван и Град Скопје и општините и ако е потребно да обезбедат субвенции за да може да се избегнат овие ценовни шокови. Во текот на утрешниот ден ќе ве информираме што може да се очекува за цената на топлинската енергија. Јасно е дека овој трошок за набавка на природен гас изнесува околу 12 и пол, 13 милиони евра без ДДВ, а само за споредба минатата недела месечно бил околу 2 милиони евра. Ќе бараме начини за да најдеме некакво решени, ни Владата може да влијае на ова, ниту ние може да набавиме природен гас. Ова се исклучително тешки моменти во енергетскиот сектор, за Европа и за нас како држава, така што повикувам на солидарност”, вели Бислимоски.