ВРЕМЕТО ДЕНЕСКА: Променливо и нестабилно, на повеќе места со пороен дожд, грмежи, со засилен ветер и температура до 18 степени

Времето во Македонија ќе биде променливо облачно и нестабилно, на повеќе места со интензивен пороен дожд, грмежи и засилен ветер.

Минималната температура ќе биде во интервал од 3 до 10, а максималната од 12 до 18 степени.

Во Скопје, променливо облачно со повремен дожд, попладне нестабилно со пороен дожд, грмежи и засилен ветер. Минималната температура ќе се спушти до 6, а максималната ќе достигне до 15 степени.

Во следните два дена времето ќе биде претежно сончево и значително потопло. Во недела ќе има нови врнежи од дожд, а на планините од снег. Ќе дува засилен северен ветер, кој ќе предизвика значително опаѓање на температурите.