Соединетите Американски Држави и дадоа на Украина разузнавачки информации кои им помогнаа на украинските сили да убијат многу руски генерали во војната, објави Њујорк тајмс, цитирајќи висок американски функционер.
Њујорк тајмс пишува дека дел од тајните напори на администрацијата на Џо Бајден биле да и обезбеди на Украина разузнавачки информации во реално време на бојното поле.
Вашингтон, наводно, и доставил на Украина детали за очекуваните движења на руските војници и локација и други детали за мобилниот воен штаб на Русија, а Украина ја комбинирала таа помош со сопственото разузнавање за да изврши артилериски и други напади во кои биле убиени руски офицери.
Разузнавањето вклучува и очекувани движења на руските војници собрани од неодамнешните проценки на САД за тајниот план на Москва за борба во регионот Донбас во источна Украина, изјавија официјални лица.
Украинските власти соопштија дека убиле 12 руски генерали на бојното поле, објави Њујорк Тајмс.
Официјалните лица одбија да прецизираат колку генерали биле убиени како резултат на помошта од САД, додаваат тие.
