Белград утринава беше најзагадениот град во светот со алармантно лош квалитет на воздухот, јави весникот Блиц.
Според податоци од апликацијата „IQ Air“, Белград повторно го зазеде првото место на листата на најзагадени градови во светот, коментира весникот и додава дека индексот на загаденост бил 172.
Со малку подобра состојба се главните градови на Индија, Полска и Обединетите Арапски Емирати, кои ги заземаат второто, третото и четвртото место на оваа листа. Меѓу првите пет е и Кина, односно главниот град Пекинг, кој исто така е обоен во црвено што е знак за многу нездрав и загаден воздух, пишува „Блиц“.
