Поранешниот портпарол на Владата и новинар Зоран Иванов го троши својот интелектуален потенцијал со предлози кои провоцираат широк круг на луѓе.
Новинарот Иванов, кој често ги застапува ставовите на власта, предлага провокативно „решение за Крстот на Водно и за спас на ФК Вардар“:
– Ако на аукција се продаде крстот, оној над градот, парите ќе стасаат за закрепнување на Вардар, а со градските пари да се крпат градските улици, коментира Иванов на Фејсбук.
Панзионираниот новинар Иванов, ако малку се потруди, може да смисли уште поумно решение: На пример, помалку да се краде на тендери од власта, ефектот ќе биде поголем.
Но, белки во догледно време бившиот владин портпарол ќе го употреби својот интелектуален потенцијал, со предлог за кој ќе му аплаудираат навивачите на најтрофејниот македонски фудбалски клуб Вардар, а православните верници ќе го благословат: Бог нека те чува Зоране!
(Д. Г.)
