УТРОВО ВО УКРАИНА: Низ цела земја е прогласена воздушна тревога, над Киев биле соборени 15 дронови, твдрат локалните власти

Низ цела Украина утрово е прогласена воздушна тревога, а во некои региони е исклучена струјата поради страв од напади.

Во текот на ноќта над Киев беа соборени 15 дронови, соопштија градските воени власти.

Украинската армија додаде дека Русите ноќеска извршиле неуспешен напад со дронови врз главниот град на Украина.

Како што пишува Киев пост, Украинците тврдат дека биле соборени 24 ирански дронови, односно сите кои Русите ноќеска ги лансирале.

Експлозии низ цела Украина, соборени руски ракети

Системите за воздушна одбрана на Украина утрово соборија неодреден број руски ракети во четвртокот, информира на Телеграм шефот на кабинетот на украинскиот претседател Андриј Јермак.

Најмалку две од ракетите прелетале над јужниот регион Миколаев, соопшти гувернерот Виталиј Ким на Телеграм.

Агенцијата Некста јави дека експлозии утрово се регистрирани низ цела Украина. Експлозии имало во регионите Дњепропетровск, Херсон, Киев и Миколаев.

Утрово низ цела Украина е прогласена воздушна тревога, а во некои региони е исклучена струјата поради страв од напади.