Од Москва рекоа дека приемот на Финска во НАТО денеска ќе го принуди Кремљ да преземе конкретни контрамерки и дека тоа е директно навлегување во безбедноста на Русија.
„Кремљ смета дека ова е уште една ескалација на ситуацијата, дека проширувањето на НАТО е навлегување во нашата безбедност, интересите на Руската Федерација. Токму така го перципираме. Ќе преземеме контрамерки за да обезбедиме сопствена тактичка и стратешка безбедност“, изјави портпаролот на Кремљ, Дмитриј Песков.
Финска официјално влезе во НАТО, во Брисел беа потпишани пристапните документи
Песков рече дека ќе бидат преземени контрамерки кои Москва ги „смета неопходни“, додавајќи дека руските вооружени сили ќе известуваат за одговорот на акциите на НАТО во Финска.
„Верувајте ми, нашата армија навремено ќе нѐ информира за сè. Ние внимателно ќе набљудуваме што се случува во Финска, како северноатлантскиот блок ќе ги експлоатира териториите во Финска во однос на поставување оружје, системи и инфраструктура кои ќе бидат блиску до нашите граници и потенцијално ни се закануваат. Во зависност од тоа ќе бидат преземени мерки“, додаде Песков.
Откажувајќи се од својата долгогодишна политика, Финска ја објави својата намера да се приклучи на НАТО набргу откако Русија ја започна својата војна против Украина во февруари 2022 година, војна што делумно започна да се спречи каков било потег на Украина да се приклучи на НАТО.
Како што Финска се приклучува на НАТО со својата граница од 1.340 километри со соседна Русија, границата на НАТО со Русија приближно се удвојува.
