Вицепремиерот и министер за транспорт на Италија, Матео Салвини денеска ја поздрави одлуката на претседателката на Европската комисија Урсула фон дер Лајен да го повлече предложениот закон за намалување на употребата на пестициди во ЕУ.
Вицепремиерот и министер за транспорт на Италија, Матео Салвини денеска ја поздрави одлуката на претседателката на Европската комисија Урсула фон дер Лајен да го повлече предложениот закон за намалување на употребата на пестициди во ЕУ, поради протестите на земјоделците во многу европски земји, вклучително и во Италија.
„Да живеат земјоделците, чии трактори ја принудуваат Европа да се бори против лудилото што го наметнуваат мултинационалните компании и левицата“, рече Салвини, пренесува Анса.
Фон дер Лајен повика пред Европскиот парламент во Стразбур Регулативата за одржлива употреба (SUR), која имаше за цел да ја преполови употребата на пестициди до 2030 година, да се повлече, велејќи дека тие „станале симбол на поларизација“.
За време на собраниската седница земјоделците со стотина трактори го блокираа влезот во Европската комора, а неколку стотици демонстранти го блокираа сообраќајот во Стразбур.
Иако европската политика „Зелен договор“, чиј дел е и СУР, е голем фактор за протестите на земјоделците, незадоволство предизвикуваат и високите цени на горивото за трактори и другите тешкотии со кои се соочуваат.
Италијанската премиерка Џорџија Мелони најави дека италијанската влада направила сѐ што е можно за да ги поддржи земјоделците и нивниот сектор.
– Отсекогаш сме се среќавале со земјоделците, еден од главните сектори на кои посветуваме внимание – рече таа и додаде дека „фактите кажуваат сѐ“.
– Направивме сѐ што е можно, одлична работа во одбраната на извонредноста на производот, на пример со помош на познатиот закон за забрана на синтетичка храна. Секогаш можеме да работиме на тоа да направиме подобро и повеќе, јас сум секогаш подготвена да ги слушам барањата – изјави Мелони.
