Американскиот претседател Доналд Трамп денеска негираше дека работел на изградба на кула во Москва, проект кој, според неговиот поранешен адвокат Мајкл Коен, продолжил до јуни 2016 година за време на претседателската кампања на САД.
Мајкл Коен, долгогодишен адвокат за Трамп, денеска изјави дека лажел пред Конгресот во федерална истрага за улогата на Русија на изборите во 2016 година.
Трамп го нападна неговиот поранешен адвокат, нарекувајќи го слабак и обвинувајќи го дека лажел за проект за недвижнини за да добие поблага казна.
Американскиот претседател пред новинарите пред Белата куќа изјави дека одлучил да не изгради зграда во Москва, но не кажа кога.
Трамп за Коен (52) рече дека е „слабак и не премногу паметен човек”.
Зборувајќи за изградба на недвижност во Москва, која не беше реализирана, тој додаде: Кога се натпреварувам за претседател, тоа не значи дека не можам да се занимавам со бизнис.
Коен се изјасни за виновен пред Федералниот суд во Менхетн, по обвинението за лажни изјави пред Конгресот во истрагата дали кампањата на Трамп работела со Русија за да влијае на изборите.
