Најмалку тројца полицајци се убиени, а неколку други се повредени во престрелка во американската сојузна држава Северна Каролина.
Полицајците посетиле маж со криминално досие во градот Шарлот за да извршат налог за апсење за нелегално поседување огнено оружје, изјави на прес-конференција началникот на полицијата Џони Џенингс.
Кога стигнале во домот на бараниот, мажот во предниот двор отворил оган. Полицајците потоа пукале и го убиле напаѓачот. Но, од куќата биле испукани и дополнителни истрели.
Полицијата потоа успеала да го обезбеди објектот и да уапси две лица во куќата. Тие сега се на распит и се сметаат за лица од интерес.
За време на операцијата биле застрелани осум полицајци, рече Џенингс. Тројца им подлегнале на повредите, а еден е во критична состојба.
Фото: Скриншот
