Американскиот претседател Џо Бајден денеска отпатува за Флорида за да ги испита штетите од ураганот Милтон, втората бура што ја погоди американската сојузна држава во последниве недели.

Американскиот претседател Џо Бајден денеска отпатува за Флорида за да ги испита штетите од ураганот Милтон, втората бура што ја погоди американската сојузна држава во последниве недели, бидејќи зголемените нивоа на водите, недостигот на гориво и прекинот на електричната енергија го отежнуваат чистењето.

Милтон, кој усмрти најмалку 17 луѓе, предизвика урнатините да се подигнат по ураганот Хелена, а струја и гориво сè уште немаат во многу области, објави Ројтерс.

Бајден утринава по локално време слета во Тампа на воздушна обиколка на погодените области на пат за Санкт Питерсбург, каде што ќе биде информиран за ситуацијата од федералните, државните и локалните власти на плажата Сент Пит.

Градоначалниците на Тампа и Санкт Питерсбург, заедно со другите локални претставници, го поздравија Бајден, кој исто така ќе се сретне со службите за итни случаи и локалните жители пред да зборува.

Со американскиот претседател отпатува и американската секретарка за енергетика Џенифер Гренхолм.

Денеска треба да бидат отворени повеќе локации за дистрибуција на гориво, соопшти државниот оперативен центар за вонредни состојби. Се очекува поплавите да продолжат околу заливот Тампа и областа Санфорд североисточно од Орландо бидејќи водите на реките продолжуваат да растат, според веб-страницата на Националната метеоролошка служба.

Градоначалничката на Сарасота, Лиз Алперт, рече дека закрепнувањето се очекува да потрае долго, како и обновувањето на електричната мрежа, но дека околу 80 отсто од домаќинствата веќе имаат струја.

Гувернерот на Флорида, Рон Де Сантис, рече дека не може да ги спречи луѓето да ги обноват своите имоти во загрозените области.

Иако Милтон не беше толку деструктивен како што првично предвидуваа официјалните лица, аналитичарите проценија дека осигурителните загуби се меѓу 30 и 60 милијарди долари.

Администрацијата на Бајден одобри федерална помош за да им помогне на жителите и локалните власти да ги покријат трошоците, но рече дека на Федералната агенција за управување со вонредни состојби ќе ѝ треба дополнително финансирање од американскиот Конгрес.