Технолошките магнати Илон Маск, Џеф Безос и Марк Закерберг ќе присуствуваат на инаугурацијата на новоизбраниот американски претседател Доналд Трамп во понеделник, според извор запознаен со организацијата на настанот.
Извршните директори на Тесла, Амазон и Мета ќе бидат истакнати гости на инаугурацијата на Трамп, ќе седат покрај одредени членови на неговата нова администрација и други функционери, според NBC News, кој прв ја објави веста. Споменатите компании сè уште не одговориле на барањето за коментар.
🆕🇺🇸 Elon Musk, Jeff Bezos, and Mark Zuckerberg are confirmed to attend President-elect Donald Trump’s inauguration, with the tech moguls seated near cabinet officials and elected leaders, marking a notable presence of business tycoons. pic.twitter.com/0OJ18Z1Dlz
— Benzinga (@Benzinga) January 14, 2025
Амазон на Безос и Мета на Закерберг се меѓу компаниите кои донираа по еден милион долари за инаугурацијата на Трамп. Маск, шефот на Tesla, SpaceX и X, потроши повеќе од четвртина милијарда долари за да му помогне на Трамп да биде избран во ноември минатата година.
