Американски медиуми ја објавија официјалната програма на втората инаугурација на Доналд Трамп за претседател на САД. Не е јасно колку потегот на церемонијата во затворен простор ќе влијае на списокот на настани што ја придружуваат церемонијата.
Црковна служба
Денот на Трамп ќе започне со богослужба во епископската црква „Сент Џон“, која се наоѓа од другатата страна на паркот „Лафајет“ спроти Белата куќа. Ова е традиција за новоизбраниот претседател.
Чај во Белата куќа
Трамп и неговата сопруга Меланија ќе се сретнат со претседателот во заминување Џо Бајден и со првата дама Џил Бајден и ќе испијат шолја чај во Белата куќа – традиција за „добредојде“ на новиот претседател.
Положување заклетва во Ротондата на Капитол
Церемонијата ќе биде проследена со неколку музички изведби и говори, вклучително и музичка увертира изведена од Мешаниот хор Линколн од Универзитетот во Небраска; „The President’s Own“ во изведба на дувачки оркестар на маринцискиот корпус на САД; обраќање на кардиналот Тимоти Долан, надбискуп од Њујорк, и пречесниот Френклин Греам.
Потоа Џеј-Ди Венс ќе положи заклетва како потпретседател на САД, пред судијата на Врховниот суд, Брет Кавано. Ќе следи „America the Beautiful“ во изведба на Кери Андервуд, хорот на вооружените сили на САД и вокалната група на американската поморска академија. По што, Доналд Трамп ќе положи заклетва како претседател на САД, пред главниот судија на Врховниот суд на САД, Џон Робертс. На крајот химната ќе ја испее хорот на поморската академија на САД.
Потоа Трамп ќе се обрати како 47-ми претседател на САД.
Ќе има официјално испраќање на претседателот во заминување Бајден и неговата потпретседателка Камала Харис, кои го напуштаат Капитол.
Церемонија во просторијата за потпишување
Трамп ќе се упати кон претседателскиот кабинет, веднаш до салата на Сенатот на Капитол Хил на церемонијата на потпишување. Под будното око на членовите на Конгресот, новоположениот претседател ќе потпише назначувања, меморандуми и укази.
Инаугуративен ручек
Новиот претседател и неговиот потпретседател ќе присуствуваат на ручек во салата со статуите на Капитол, организиран од Заедничкиот конгресен комитет за инаугуративни церемонии.
Свечен увид
По ручекот, претседателот и потпретседателот ќе се упатат кон источните скалила на Капитол на церемонијална проверка на војската.
Претседателска парада
Трамп ја премести традиционалната претседателска парада по авенијата Пенсилванија во арената Capital One во Вашингтон. Програмата вклучува говор на Трамп и настапи на дувачки оркестари.
Свеченост во Овалната соба
Трамп оди во Белата куќа на таканаречената церемонија на прием во Овалната соба.
Инаугуративен бал
Инаугуративен бал на врховниот командант: Настапи за припадниците на американската војска на кантри бендот „Раскал Флетс“ и кантри пејачот Паркер МекКолум. Говор на Трамп.
Национална молитвена служба
Трамп утре наутро, ден по неговата инаугурација, ќе присуствува на традиционалната национална молитвена служба во катедралата во Вашингтон.трамп
