Шакира неодамна започна турнеја во Бразил, но нејзиниот настап во главниот град на Перу, Лима, мораше да биде откажан поради итна хоспитализација.
Како што објави на своите социјални мрежи, таа е пренесена во болница поради силни стомачни болки.
– Жал ми е што ве известувам дека синоќа морав да одам на Итна помош поради болки во стомакот и моментално сум во болница. Докторите кои ме лекуваат ми рекоа дека вечерва не сум во можност да го одржам концертот – напишала Шакира на својата инстаграм сторија.
Пејачката изрази надеж дека наскоро ќе оздрави и дека лекарите што поскоро ќе ја пуштат од болница за да може да ја продолжи турнејата.
