МИЦКОСКИ ВО ДЕЛЧЕВО: Важно е Македонија да се гради насекаде, без разлика дали градоначалник е од власта или е од опозицијата

Mногу е важно да се гради Македонија насекаде, без разлика дали градоначалник е од редовите на владата или е од редовите на опозицијата. Јас навистина жалам што денеска градоначалникот на Делчево не е со нас, за да покажеме дека кога нешто убаво се прави, без разлика што сме од различни политички опции дека треба да сме заедно на ваков еден убав настан, бидејќи сепак ова се проекти за граѓаните, ова не се проекти на ВМРО-ДПМНЕ, ниту на СДСМ, туку ова се проекти за делчевчани и тоа е нашиот мотив и тоа е нашата инспирација, изјави при денешната посета на општина Делчево премиерот на Република Македонија, Христијан Мицкоски.

-Јас би сакал да кажам дека нема да се задржувам на делот за тоа што веќе претходните говорници го кажуваа, а тоа е кои се проектите коишто се финансирани од страна на буџетот и во првиот, но и потенцијалните коишто ќе бидат финансирани од вториот повик преку Министерството за локална самоуправа, тоа го кажа координаторот на советничката група на ВМРО-ДПМНЕ и министерот за локална самоуправа, рече Мицкоски.

Мицкоски потенцираше дека многу е важно да се гради Македонија , без разлика дали градоначалник е од редовите на владата или е од редовите на опозицијата.

-Јас само сакам да кажам дека многу е важно да се гради Македонија насекаде, без разлика дали градоначалник е од редовите на владата или е од редовите на опозицијата. Јас навистина жалам што денеска градоначалникот на Делчево не е со нас, за да покажеме дека кога нешто убаво се прави, без разлика што сме од различни политички опции дека треба да сме заедно на ваков еден убав настан, бидејќи сепак ова се проекти за граѓаните, ова не се проекти на ВМРО-ДПМНЕ, ниту на СДСМ, туку ова се проекти за делчевчани и тоа е нашиот мотив и тоа е нашата инспирација, истакна премиерот.

-Се надевам дека ова е само еден момент на слабост на СДСМ и дека во другите општини каде што има градоначалник од редовите на СДСМ или од опозицијата кога ќе појдеме да ги промовираме овие проекти коишто се за граѓаните, ќе повторам не за политичките партии, дека сепак ќе имаме градоначалници коишто се денеска во политичките партии коишто се опозиција. Така што да сумирам им честитам на делчевчани за новите проекти, додаде Мицкоски.

За тие проекти коишто дополнително ќе се реализираат со вториот повик, отприлика 6 до 8 пати повеќе ќе се финансира во Општина Делчево од тоа што е годишниот буџет на општината за реализирање на капитални инвестиции и тоа е добро. Така што еве уште еднашка нека ни е напомош денот, сепак денеска го славиме Разловечкото востание и затоа сме тука и да се радуваме на реализираните проекти, рече премиерот Мицкоски.