Претседателот на Владата, Христијан Мицкоски, утре (недела) во 11:00 часот ќе изврши увид во градежните активности од првата фаза од изградбата на фекална канализација во населеното место Идризово, во Општина Гази Баба.
Со проектот е предвидена изградба на нова мрежа за фекална канализација во должина од 1.478 метри.
Вредноста на договорот изнесува 49.188.012 денари, а средствата се обезбедени преку вториот јавен повик на Владата.
Проектот треба да придонесе за подобрување на комуналната инфраструктура и условите за живот на жителите на Идризово.
