Претседателот на Украина, Володимир Зеленски денеска им ја честиташе победата на опозицијата на предвремените парламентарни избори во Србија, истакнувајќи оти Србија отвора нова страница во историјата на земјата и нејзиниот народ.
– Во Србија се случија промени, победа на Студентска листа и ова е очигледно нова страница во историјата на земјата и народот. Ѝ посакуваме на Србија успех, вистински развој и топли односи со европската заедница, наведе Зеленски на платформата Икс.
Тој и се заблагодари на Србија за нејзиното почитување кон украинскиот народ и држава, кон украинската независност.
Подготвени сме да продолжиме да ја зајакнуваме нашата соработка и нека се остварат сите надежи на народот на Србија, посочи Зеленски.
