Летот од Пекинг кон Варшава бил одложен за 10 часа, бидејќи кај авионот што требало да полета се појавил дефект, па морало да се повика мајстор. Меѓутоа, на крајот тој побарал да му платат во готовина, па луѓето од екипажот ги замолиле патниците да помогнат кој колку може.
Тие собрале 520 долари, колку што било потребно, а пилотите и стјуардите велат дека поради тоа летот доцнел 10 часа.
Според авиокомпанијата, пак, „иако вработените имале добри намери, нивната одлука била погрешна“, се наведува во соопштението.
Парите им биле вратени на патниците веднаш по слетувањето во Варшава.
