Навреда за Македонците упати професорот по албанологија на државниот Универзитет во Тетово Арбер Челику, кој се вклучи во „широката јавна консултација“ во врска со „францускиот предлог“.
Тој на Фејсбук објави антимакедонска провокација упатена кон македонскиот народ:
– Со францускиот предлог историјата на Македонците започнува со Дарко Панчев!- напиша човекот Челику, кого треба да го сметаме за универзитетски професор, според платата што ја добива од буџетот и на граѓаните кои ги навредува.
Неговата навредлива објава поттикна и многу други „духовити субјекти и негови истомисленици, па едно од надополнувањата беше дека: „Таа историја започнува и порано, со Петре Прличко!“
Овие навреди треба да бидат и отрезнување за Македонците за историјата која си ја распродаваат со „договорите за добрососедства“.
