Портпаролот на Алтернатива, Орхан Муртезани, кој до неодамна беше и директор на МЕПСО, денес на прес-конференција во партиското седиште во ТЦ „Мавровка“ во срцето на главниот град, Скопје, изјави дка секој што мисли дека Албанците ќе ја пеат македонската национална химна, има проблем со реалноста – алудирајќи на коментарите во јавноста за неинтонирањето на македонската химна и непочитувањето на македонското знаме при неодамнешната посета на косовскиот премиер, Албин Курти.
„Како што многупати сме кажале, ако има некој Македонец кој верува дека Албанците некогаш некаде ќе ја отпеат „Денес над Македонија се раѓа“, тој има сериозни проблеми со перцепцијата на реалноста, бидејќи – додека оваа држава не ја разбира мултиетничката реалност – туку инсистира на моноетнички македонски државни симболи, тоа никогаш нема да се случи”, рече Муртезани.
Од партијата го обвинија и македонскиот претседател за албанофобија поради неговото барање за правна одговорност за оние кој ја уништиле државноста на С Македонија поради химната на албанското знаме и албанските национални знамиња, и велат дека напаѓајќи го Курти, очигледно е дека Пендаровски се додворува на ДУИ за да добие поддршка за кандидатура, и сака да покаже на Апасиев (лидерот на партијата Левица) и на албанофобните македонски националисти дека неговата лојаност им припаѓа на нив.
„Тој преку оваа реакција како да сакаше да му докаже и на Александар Вучиќ дека е подготвен да го повторува својот рефрен секогаш кога тој ќе искаже антиалбански пораки. Како и да е, за здравјето на оваа држава и нејзиниот претседател е добро повеќе да не гледаат српски соништа, бидејќи тоа сериозно му штети на удобноста и мирот на Балканот”, изјави Муртезани.
Ова доаѓа откако претседателот на државата Пендаровски побара организаторите на јавните собири во Тетово и во Чаир мора да бидат законски санкционирани за кршењето на законските одредби во однос на употребата на државното знаме и химна и знамињата и симболите на заедниците, со целосно игнорирање на симболите на државата и ги повика надлежните органи во најкус можен рок да ги завршат пропишаните постапки.
