Археолози ги потврдија долгогодишните сомнежи на некои историчари дека познатиот затвор Алкатраз е изграден на воено утврдување од времето на американската Граѓанска војна.
Истражувачите пронашле неколку простории и тунели под дворот на Алкатраз, доизграден во 20. век, а во којшто некогаш казна служеше и (не)славниот мафијаш Ал Капоне. Притоа се користени радари и ласерско скенирање на земјата, како и историски мапи и фотографии.
Пронајдени се целосно закопани градби, складишта со муниција и тунели.
Алкатраз првпат го привлече вниманието на американската јавност кога САД во 40-тите години од 19 век ја презедоа Калифорнија од Мексико. Местоположбата во заливот Сан Франциско го чини примамлив за воени цели.
