Ситуацијата во Тајван може да доведе погрешни пресметки, сериозна конфронтација, отворени конфликти и непредвидливи последици за големите сили, предупредија денеска министрите за надворешни работи на Асоцијацијата на нации од Југоисточна Азија (АСЕАН) од средбата во главниот град на Камбоџа, Пном Пен.
– На светот итно му е потребна мудрост и чувство на одговорност од страна на сите шефови на држави за поддршка на мултилатерализмот и мирниот соживот, се наведува во соопштението на АСЕАН.
Шефот на кинеската дипломатија Ванг Ји денеска во Пном Пен ќе се сретне со претставниците на АСЕАН, како и со американскиот колега Ентони Блинкен.
Кинеската армија денеска ги почнаа најголемите воени вежби во нивната историја околу Тајван, по 24-часовната посета на претседателката на американскиот Претставнички дом Ненси Пелоси на Тајван.
Министерството за одбрана на Тајван денеска соопшти дека во текот на ноќта неидентификувани авиони, најверојатно беспилотни летала, прелетале над регионот на островите Кинмен.
