Атлетико Мадрид ќе може да смета на своите главни напаѓачи Диего Кошта и Алваро Мората за дербито на шпанското фудбалско првенство против Барселона вечерва.
Двајцата ги поминаа успешно подоцнежните фитнес-тестови и ќе бидат на располагање на тренерот Диего Симеоне за дуелот на „Камп Ноу“ од 20:45 часот по македонско време.
„Добри вести! Диего Кошта и Алваро Мората добија дозвола од лекарите и ќе бидат на линија за Барса – Атлетико“, соопштија од мадридскиот клуб.
Бразилецот заработи повреда на бутот при успехот со 4:0 над Алавеш во Ла Лига минатата сабота, поради што не играше во вторникот при успехот со 2:0 над Жирона, против која пак Мората го повреди глуждот и беше под знак прашалник.
Барселона има предност од 8 бода пред Атлетико на врвот на на Ла Лига на осум натпревари пред крајот на сезоната.
На „јорганџиите“ им е потребна само победа на „Камп Ноу“, за да ги задржат реални шанси да ја нападнат титулата, но не победил на гостување кај каталонскиот гигант од 2006 година наваму.
