Околу 20 лица се повредени по тешки турбуленции на лет на авиокомпанијата „Кондор“ од Франкфурт, Германија, до Маврициус.
Меѓу повредените има патници и членови на екипажот.
Летот „ДЕ 2314“ ја напушти Германија синоќа. Авионот со 272 патници и 13 членови екипаж, го погодија турбуленции околу два часа пред да слета на аеродромот близу главниот град на Маврициус, Порт Луис, во Индискиот Океан.
Авионот безбедно слетал рано утрово.
Според гласноговорникот на „Кондор“, има и оштетувања во внатрешноста на авионот, за што допрва ќе следат проверки и проценки.
