Неколку лица загинаа во падот на мал авион што се случи во четврток околу 11:20 часот во близина на Медулин, потврди истарската полиција.
Според неофицијални информации, четири лица загинаа, додека се трага по уште две.
Полицијата добила пријава за падот на мал авион во областа Кампанож, помеѓу Каштијун и Медулин, околу 11:20 часот, по што сите надлежни служби за итни случаи биле испратени на местото на несреќата.
„Во моментов, сите служби се на терен, од службите за итна медицинска помош и пожарникарите до полицијата, кои преземаат мерки и дејствија во рамките на нивната надлежност“, изјави службеникот за односи со јавноста на полицијата, Ален Пачиќ, потврдувајќи дека во несреќата загинале неколку лица.
Според локалните медиуми патниците во авионот дошле од Австрија и требало да слетаат на медулинскиот спортски аеродром.
Повеќе информации ќе бидат познати подоцна.
